მარტივია ბედნიერი იყო!

„ადამიანისთვის ყველაზე ძვირფასი სიცოცხლეა. სიცოცხლე მას ეძლევა მხოლოდ ერთხელ და საჭიროა ისე იცხოვრო, რომ მწვავედ არ გტკიოდეს გული უმიზნოდ გატარებული წლებისათვის.“

ნიკოლაი ოსტროვსკი. “როგორც იწრთობოდა ფოლადი „

ბევრი ადამიანი  მთელი თავისი ცხოვრება ცხოვრობს, მათი შესაძლებლობების მხოლოდ მცირე ნაწილის გამოყენებით. ასეთები არ ცდილობენ, რომ  დასახონ მიზნები და მიაღწიონ მათ. მათი ტვინი მუშაობს ქვეწარმავლების ტვინის დონეზე და დაკავებულია მხოლოდ სხეულის ბუნებრივი, ფიზიკური მოთხოვნილებების დაკმაყოფილებით. ხშირად მოჩვენებითი კეთილდღეობისაკენ   სწრაფვაში, რაც ძირითადად გამოიხატება იმის სურვილით, რომ უკეთესები ვიყოთ, ვიდრე სხვები, უფრო მდიდრები, ვიდრე სხვები, ვიყოთ სხვებზე უკეთესად ჩაცმულები, ჩვენ ძალიან ბევრ ენერგიას ვკარგავთ.

თანამედროვე სამყარო უამრავ ცდუნებას გვთავაზობს, რაზეც უარს ვერ ვამბობთ..

და ამ განსაცდელისკენ მიმავალ გზაზე, ამ სურვილში, რომ ვიყოთ სხვებზე უკეთესი და დავაკმაყოფილოთ ჩვენი ეგო, ვივიწყებთ სულს,  ვივიწყებთ რამდენად მდიდარია ჩვენი შინაგანი სამყარო და რამდენად გულუხვად დაგვასაჩუქრა ბუნებამ. ჩვენ გვავიწყდება რა არის ოცნება, რეალური მიზნების დასახვა. ჩვენ ყოველთვის უკმაყოფილო ვართ ყველათ და ყველაფრით. ჩვენ ყურადღებას ვაქცევთ წვრილმანებს და ვქმნით ზედმეტ პოტენციალს ბუნებაში, და ამ დროს რაც მართლა მნიშვნელოვანია, უმიზნოდ „იმტვერება“  ჩვენი ცნობიერების თაროებზე, და უიმედოდ ელოდება თავის რიგს.

ჩვენ ყოველთვის ვეძებთ ბედნიერებას, მაგრამ იშვიათად თუ ახერხებს ვინმე მის მიღწევას. და ეს ყოველივე იმიტომ, რომ ჩვენ მას გარეთ ვეძებთ. ჩემო მეგობრებო, მე კარგი ამბავი მაქვს თქვენთვის! ჩვენ  ბედნიერებას იქ არ ვეძებთ, სადაც ის მართლა არსებობს. ბედნიერება ცხოვრობს ჩვენს საკუთარ თავში, თითოეულ ჩვენგანში. საკმარისია ადამიანმა  ღრმად შეხედოს საკუთარ თავს და ისურვოს, რომ იყოს ბედნიერი.

XX საუკუნის ცნობილმა ამერიკელმა ფსიქიატრმა მილტონ ერიქსონმა საინტერესო აღმოჩენა გააკეთა: ”თითოეულ ადამიანს აქვს ყველა რესურსი იმისთვის, რომ მიაღწიოს იმას, რაც სურს”, – თქვა მან.

და ეს ნიშნავს, რომ ადამიანი არსებითად თვითკმარია. მას უკვე აქვს ყველაფერი, რაც ბედნიერებისა და ჩვენი სურვილების ასრულებისთვის გვჭირდება. საკმარისია გამოხატოთ განზრახვა, შეადგინოთ  მკაფიო გეგმა და დაიწყოთ მოძრაობა თქვენი მიზნებისკენ.

თქვენ მკითხავთ, მაქვს თუ არა რეკომენდაცია, რომლის შემდეგაც ბედნიერებას მიაღწევთ. პასუხი აშკარა და მარტივია. ასე ჟღერს: გიყვარდეს საკუთარი თავი და სხვებიც შეგიყვარებენ. ისიამოვნე ოჯახში, ბავშვებთან, მშობლებთან ერთად გატარებული თითოეული წუთით. ეს მათთან კომუნიკაციის სიხარულს მოგიტანს. იცხოვრე საკუთარ თავთან ჰარმონიულად, განვითარდი, იმოგზაურე, ნუ შეჩერდე ბუნების სილამაზეს გაოცებას შენს გარშემო. დააფასე დედამიწაზე გატარებული ყოველი წამი. ისწავლე გემრიელი საუზმისგან, ფრინველების ჭიკჭიკისგან სიამოვნების მიღება, დატკბი ნიავით და მზის სხივებით, რომელიც გათბობს. ისწავლე სიამოვნება პირველი თოვლისგან, პირველი აყვავებული ყვავილისგან, გაზაფხულის წვიმის პირველი წვეთისგან.

მეგობრებო!

ცოტა ხნით დაივიწყეთ მატერია და იზრუნეთ საკუთარ სულზე. მოუსმინეთ თქვენი გულის ხმას. არ შეგეშინდეთ სურვილის და ოცნების.

ყოველდღე 10 წუთის განმავლობაში, თვალების დახუჭვით, გააჩინეთ საკუთარი თავი პოზიტიური კონსტრუქციული აზრებით. უფრო ხშირად იფიქრეთ იმაზე, თუ როგორ შეგიძლიათ საკუთარი თავის გახარება. ისწავლეთ, დაინახოთ გარშემო ადამიანები, ვინც თქვენზე ცუდადაა. ისწავლეთ მათთან თანაგრძნობა, და შთააგონეთ მათ რწმენით და ოპტიმიზმით. მაგრამ ნუ შეურაცხყოფთ მათ სინანულით.  სინანულის გამოხატვით, თქვენ მხოლოდ გააძლიერებთ მათ გასაჭირში. უკეთესია დააჯეროთ მათ, რომ მათ ექნებათ ძალა, თავი დააღწიონ თავის უბედურებებს და დაავადებებს. ისწავლეთ დაეხმაროთ ასეთ ადამიანებს მაქსიმალურად, მაგრამ არა საკუთარი თავის და თქვენი ინტერესების ხარჯზე. როდესაც სხვებს ეხმარებით საკუთარი თავის შეურაცხყოფის გარეშე, თქვენს თავსაც ეხმარებით.

შეიტყვეთ, როგორ მოიქცეთ ისე, თითქოს ყველაფერი კარგადაა თქვენს ცხოვრებაში – არ აქვს მნიშვნელობა სინამდვილეში რას აკეთებთ, როგორია თქვენი ჯანმრთელობა. რაც ჩვენ საკუთარ თავზე ვფიქრობთ, ზუსტად ის გავხდებით  – არ დაივიწყოთ ეს!

და რაც მთავარია, მადლობელი იყავით იმ ყველაფრისთვის, რაც გარშემორტყმულია. ყველაფრისთვის რაც შენთვის ხდება. ცოცხალი რომ ხართ.  რომ გაქვთ თავშესაფარი და საკვები. ფიქრისა და გრძნობის უნარისთვის იყავით მადლობელი. იმის გამო, რომ თქვენ ხართ ამ უზარმაზარი და საოცარი სამყაროს ნამცეცა, ამ ჯერ კიდევ გაუაზრებელი ენერგოსისტემის ჰარმონიული ნაწილი. მადლიერება არის უმაღლესი ემოცია, იმ ემოციების სიიდან, რაც დადებითად არის დამუხტული. მისი იმპულსები, თქვენგან სამყაროში გასული, დაგიბრუნდებათ მდიდრულ საჩუქრებად. ასე რომ, ჩემო მეგობრებო, გისურვებთ ბედნიერება და მადლიერება ჰქონდეთ მთელი თქვენი მშვენიერი ცხოვრება. დასასრულში, მე მინდა მოვიტანო ნაწყვეტი პიერ ფრანკის წიგნიდან: ”მარტივია ბედნიერი იყო’

თქვენ შეგიძლიათ შექმნათ ბედნიერების კუნძულები სასოწარკვეთილების ზღვაშიც კი. ეს კუნძულები იქნებიან ქვები, რომელზედაც ერთხელ გადახვალ ნაპირზე. არანაირი მიზეზი არ არის უბედური იყო, თუ შენ თვითონ არ გინდა ეს. ბედნიერება არის ცნობიერება, შეცვლა, განთავისუფლება, საკუთარი თავის სიყვარული, გადაწყვეტილება იცხოვრო დღეს, იცხოვრო ამ წუთას.. შექმენით სახალისო მომენტები. გაიღვიძეთ ყოველ დილით ახალი ცხოვრებისთვის. ბედნიერება არ მოდის ჩვენთან, არამედ ბედნიერებისკენ მივდივართ. ყველას შეუძლია იყოს ბედნიერი: ალბათ ნამდვილ ბედნიერებას საერთო არაფერი აქვს გარე გარემოებებთან? როდესღაც  გააკეთეთ ის, რის უფლებას არ აძლევთ საკუთარ თავს ჩვეულებრივ ცხოვრებაში.

მოამზადა: ინესა შაგინიანმა

© IBEL ACADEMY