რა არის ემოციონალური ინტელექტი (EQ) და რით განსხვავდება ის ყველასათვის ცნობილი IQ-გან

რა არის ემოციონალური ინტელექტი (EQ) და რით განსხვავდება ის ყველასათვის ცნობილი IQ-გან IQ (ინტელექტის კოეფიციენტი) – პრაქტიკულად უცვლადია. IQ ადამიანის მიერ გროვდება 18 – 22 წლამდე და შემდეგ რჩება უცვლელი.

EQ – განვითარება შეიძლება მთელი ცხოვრება!

საჭიროა არ ავურიოთ ერთმანეთში ემოციონალური ინტელექტი პიროვნულ თვისებებთან.
ადამიანის პიროვნება, მისი ხასიათის ნიშნები – ასევე უცვლელია. ხოლო მისი EQ – არის კონკრეტული შესაძლებლობები და უნარები, რომლებიც შეიძლება შეითვისო და გამოიყენო საქმეში!

ემოციონალური ინტელექტი შეიძლება დავყოთ 5 სფეროდ:

1. შიდაპიროვნული სფერო
   – საკუთარი თავის გაგება და მართვის შესაძლებლობა.
   – განსაზღვრა “რას ვგრძნობ” და რატომ.
   – რა გავლენას ახდენს ჩემი ქმედებები გარშემომყოფებზე.
   – ასერტიულობა – საკუთარი გრძნობებისა და შეხედულებების ღიად გადმოცემა ისე, რომ სხვას არ მიაყენო
   შეურაცხყოფა.
   – დამოუკიდებლობა – საკუთარი თავისთვის მიმართულების მიცემა, საკუთარ შეხედულებებზე დაყრდნობა და
   არა სხვების მითითებების ლოდინი.
   – თვითპატივისცემა – საკუთარი ძლიერი და სუსტი მხარეების ცოდნა და პოზიტიური დამოკიდებულება
   საკუთარი თავის მიმართ.
   – თვითრეალიზაცია – საკუთარი სურვილების თამამად მიყოლა და იმის კეთება რაც მოგწონს! საკუთარი
   პოტენციალის თამამად რეალიზება.
2. პიროვნებათშორისი სფერო
   – სხვა ადამიანებთან ურთიერთობა და ურთიერთქმედება
   – ემპათია – სხვების გრძნობების მიღება და გაგების შესაძლებლობა
   – სოციალური პასუხისმგებლობა – სხვა ადამიანებთან თანამშრომლობის შესაძლებლობა
   – ურთიერთობების გაბმა და შენარჩუნების უნარი
3. მოძრაობა და მოქნილობა
   – სინამდვილეზე რეალისტური შეხედულებები
   – პრობლემების გადაჭრა მათი დადგომიდან გამომდინარე
   – საგნების, მოვლენების ისე გაგება, როგორც არის (და არა ისე, როგორიც გვსურს ან როგორისაც გვეშინია).
   – მოქნილობა – შეცვლილი სიტუაციის მიყოლა და საკუთარი აზრისა და გრძნობების შეთავსება ახალ
   პირობებთან.
4. სტრესთან გამკლავების უნარი
   – სიმშვიდისა და კონცენტრაციის შენარჩუნება.
   – კონსტრუქციულობა – პანიკისა და გართულების გარეშე.
   – საკუთარი თავის რწმენა და შეუპოვრობა.
   – იმპულსების კონტროლი – ემოციებთან გამკლავება და გააზრებულად მოქმედების უნარი.
5. ცხოვრების აღქმის სფერო
   – ოპტიმიზმი – დადებითი, რეალური მდგომარეობის შენარჩუნების უნარი.
   – ცხოვრებით კმაყოფილების, გართობისა და ბედნიერების უნარი.
   აი ასე გამოიყურება EQ-ს ძირითადი მახასიათებლები!
   აქედან გამომდინარე შეიძლება განისაზღვროს სად არის თქვენი ძლიერი ან სუსტი მხარეები და შემდეგ სწორი
   მიმართულებით მუშაობის გაგრძელება!

წყარო: b2p.ge